PH 
By jess campos
Giisa na sa Department of Foreign Affairs (DFA) ang Alert Level 3 sa pipila ka distrito sa Libya lakip na ang Tripoli tungod sa nagkagrabing kagubot sa maong nasud.
Sa iyang tweet giklaro ni Foreign Affairs Secretary Teodoro Locsin Jr., nga ang alert level dili alang sa tibuok Libya apan sa siyudad sa Tripoli ug mga distrito niini.
Matud ni Chargé d’Affaires Elmer Cato, nga giingong nalakip sa advisory ang Tajoura, Ghot Romman, Qaraboli, Qasr Khiyar, Esbea, Tarhuna, Bani Waled, Gharyan, Aziziya, Warshifana, Zawia, Surman, ug Sabratha.
Ubos sa Alert Level 3, nga usa ka “voluntary repatriation”, dili tugutan ang mga Pinoy nga motrabaho sa maong na mga lugar nga ania na sa Pilipinas nga mobaliksa Libya hangtud nga dili mapaubos sa alert level 2.
Nanawagan ang DFA sa mga gustong ma-repatriate nga motawag sa Philippine Embassy sa Tripoli sa +218-91-824-4208 o mag-message sa “Philippine Embassy in Libya” Facebook page.
Source From:https://www.abante.com.ph/alert-level-3-giisa-sa-dfa-pipila-ka-dapit-sa-libya.htm
Comment