Babae, patay matapos maatrasan ng SUV; 6 sugatan

Patay ang isang babae habang 6 naman ang sugatan nang maatrasan sila ng isang rumaragasang sports utility vehicle o SUV sa Raon, Maynila.

Nasa labas lang ng tindahan ang babae nang salpukin siya ng SUV kung saan nadamay ang ilang nakatayo sa labas ng tindahan. 

Dinala sa dalawang magkahiwalay na ospital ang mga sugatan. 

Agad namang naaresto ng Manila Police ang driver ng SUV na nakilalang si Jose Pableo. 

—Umagang Kay Ganda, Miyerkoles, 12 Pebrero, 2020