Bag-ong SSS CEO palig-unon ang pension fund

Gisaad sa bag-ong Social Security System (SSS) President ug Chief Executive Officer (PCEO) nga si Aurora C. Ignacio na mahimong responsable siya sa matag adlaw nga operasyon sa ahensya samtang gitinguha niini ang usa ka lig-on nga ‘pension fund’ nga maghatag ug kinatibuk-ang proteksyon sa mga Pilipino nga mamumuo dinhi ug sa gawas sa nasud.

Tumong ni Ignacio nga patas-on ang kita sa SSS samtang mas maanindot ang paghatud sa serbisyo alang sa mga miyembro niini.

Subay niini gipasalamatan nila si Presidente Rodrigo Duterte alang sa pagsalig kaniya niadtong Marso 28 aron maoy modumala sa pension fund.

“Nagpapasalamat ako kay Pangulong Duterte para sa pagkakataong ibinigay niya sa akin upang makapagsilbi sa ilalim ng kanyang administrasyon. Maasahan ninyo na ang kapakanan ng mga miyembro at pensiyonado ng SSS ang lagi kong prayoridad,” matud ni Ignacio.

Si Ignacio, 62 anyos ang milingkod isip Officer-in-Charge sa ahensya human mi-resign si kanhi PCEO Emmanuel F. Dooc niadtong Marso 5. (jess campos)

Source From:https://www.abante.com.ph/bag-ong-sss-ceo-palig-unon-ang-pension-fund.htm