PH 
Ang tropical depression ‘Egay’ gipaabot nga mogawas sa Philippine Area of Responsibility (PAR) sa July 3, ug mokusog samtang naglihok kini sa Silangang bahin sa Philippine Sea sa Northern Luzon ug katapusang nabantayan ang sentro niini sa gilay-on nga 545 ka kilometro sa silangan sa Casiguran, Aurora.(16.2 °N, 127.2 °E).
Sa gipagawas nga 5:00 pm (June 30) bulletin sa Philippine Atmospheric, Geophysical and Astronomical Services Administration (Pagasa), ang ‘Southwest Monsoon’ maiy nagdala sa kasagaran ug kalit nga pagkusog sa ulan sa Metro Manila, Pangasinan, Zambales, Bataan, Bulacan, Cavite, Batangas, Mindoro Provinces, Romblon, ug Northern Palawan.
Samtang sa Visayas ug uban pang bahin sa Luzon makasinati ug mapanganuron nga kalangitannga adunay panagsang pag-ulan , pagdugdug ug pagpangilat tungod sa Bagyong Egay nga mipasamot sa monsoon rains o habagat.
Karong adkawa Lunes (July 1) magpadayung ulanon ang Metro Manila, Ilocos Region, Cordillera Administrative Region, Central Luzon, Calabarzon, Mimaropa, Bicol Region, Antique, Aklan, ug Western Iloilo.
Ang ubang dapit sa Luzon ug Western Visayas makasinatig panagsang pag-ulan ug pagpanugdug.
Gipaabot ang pag-ulan hangtud sa adlaw nga Martes, July 2, tungod sa Bagyong Egay nga mipasamot sa monsoon rains o habagat.
Gitambagan usab sa PAGASA, ang mga residente nga anaa sa ubos nga dapit, daplin sa sapa ug nagpuyo daplin sa bukid nga kinahangkan nga alerto tungod sa posibling mahitabong lagbaha ug landslide.
Source From:https://www.abante.com.ph/bagyong-egay-mogawas-na-sa-par-karong-miyerkoles.htm
Comment