Boobs ng dalagita dinakma ng Chinese

SA kulungan ang bagsak ng isang Chinese national nang arestuhin ng mga awtoridad matapos nitong dakmain ang dibdib ng isang 17-anyos na dalagita sa Taguig City kamakalawa nang gabi.

Kasong Acts of Lasciviousness o Republic Act 7610 ang isinampa ng pulisya laban sa nadakip na suspek na si Jihua Yang, 31, turista at pansamantalang naninirahan sa 1150 D Shell Residences, Mall of Asia Complex Pasay City.

Batay sa isinumiteng report ni Senior Supt. Bernard Yang, hepe ng Pasay City Police dakong alas-11:45 ng gabi nang maganap ang pandadakma ng suspek sa lobby ng Tower B, Shell Residences ng nasabing lugar.

Base sa pahayag ng biktima na itinago sa pangalang ‘Glenda’ kasalukuyan siyang nakatayo sa loob ng kanyang tinutuluyang condominium nang biglang lumapit at dakmain ang kanyang dibdib ng suspek.

Nagsisigaw at humingi ng tulong sa nakatalagang security guard na si Geoffer Garbo ng naturang condo at dito na inaresto ang suspek. (Armida Rico)

Source From:https://www.abante.com.ph/boobs-ng-dalagita-dinakma-ng-chinese.htm