Cheng Player of the Week

HINIRANG bilang Player­ of the Week ng UAAP women’s volley­ball tournament si De La Salle University (DLSU) Lady Spiker Desiree Cheng sa magandang performance na ipinakita nito.

Kasalukuyang nasa ikalawang pwesto ang three-time champions DLSU hawak ang 7-3 win-loss record.

Humataw ang vete­ran open spiker ng 17 points laban sa National University noong Marso 27 at career-high 20 points naman kontra University of Santo Tomas noong Marso 31.

Umaapaw pa ang ‘La Salle swag’ nang inudyok ni Cheng ang DLSU crowd na kontra­hin ang USTe chant sa Mall of Asia Arena noong Linggo.

“Parang nag-iingay na ‘yung crowd ng UST. Remember the UP game? Nagsimula mag-ingay ‘yung UP crowd and na-rattle kami,” kwento ni Cheng. (Janiel­ Abby Toralba)

Source From:https://www.abante.com.ph/cheng-player-of-the-week.htm