PH 
Marami ang nagulat nang mag-post si Richard Gutierrez sa kanyang Instagram account (@richardgutz) noong Saturday tungkol sa civil wedding nila ng fiancée at ngayon ay misis na niyang si Sarah Lahbati.
Pagka-post ni Richard, nag-post na rin si Sarah sa kanyang IG (@sarahlahbati).
Hindi man natuloy ang big wedding dapat nila, nagdesisyon pa rin sila na magkaroon na lang ng civil wedding na pinamahalaan ni Judge Bernard P. Bernal.
Friday nang sabihan ako ni Annabelle Rama tungkol sa civil wedding nina Richard at Sarah.
Pero lilimitahan lang daw ang mga pupunta doon, pero may wedding reception naman daw pagkatapos, pero iilan din lang ang puwedeng imbitahan dahil hindi na nga puwede ang “mass gathering” dahil sa COVID-19.
So noong March 14 nga, natuloy na rin ang wedding nina Richard at Sarah at ginanap ‘yon sa office ni Mayor Lino Cayetano sa 10th floor ng SM Aura Tower sa 26th St. corner McKinley Parkway, Bonifacio Global City, Taguig City.
Naka-set ‘yon ng 4:00PM, pero ayon kay Ruffa Gutierrez na isa sa iilang sumaksi, “We started 4:30PM. Actually, we started 4:45PM na!”
Kasama ni Ruffa na um-attend sa civil wedding ang panganay niyang anak na si Lorin. Hindi na niya isinama ang bunsong si Venice.
Nandoroon din ang parents ni Richard, sina Eddie Gutierrez at Tita Annabelle.
Isa rin sa mga sumaksi si Raymond Gutierrez na twin-brother ni Richard.
Sa reception, nagbiro si Richard na, “Mond is the ring bearer!”
Tinanong ko kahapon si Raymond kung bakit ganoon ang dialogue ng kanyang twin-brother.
“It’s not a joke. The time na isusuot na nila ang ring sa isa’t isa, ako ang nag-abot ng mga ring!” sabi ni Raymond.
Sumaksi rin sa kasal ang parents ni Sarah na sina Abdel at Esther Lahbati.
Nandoon din ang mga kuya ni Sarah, pati ang nephew niyang si Simon.
“No friends at the civil wedding, only family. My Kuyas are there, Eugene, Erald and Jeffrey Enriquez. Kuya Erald and Kuya Jeffrey flew in from Dubai (United Arab Emirates),” sey ni Sarah nang tanungin ko kahapon.
Wala naman ang mga anak nilang sina Zion at Kai sa civil wedding ceremony at reception.
“Nasa bahay lang sila,” sabi ni Sarah.
Nandoon din si Pastor John Ong na nag-bless sa dalawa pagkatapos ng civil wedding.
Ang wedding planner na si Amanda Tirol ay nandoon din, pati si Gideon Hermosa (nag-ayos ng flowers sa venue ng civil wedding), at mga kasama sa wedding team nila, at si Pat Dy na siyang official photographer at nag-provide sa lahat ng photos from the civil wedding.
Payo sa bagong kasal: Huwag na kayong mag-anak – Annabelle
Malaki ang pasasalamat ni Tita Annabelle Rama kay Taguig City Mayor Lino Cayetano. Si Mayor Lino ang tinawagan ng Gutierrez matriarch para magkaroon ng civil wedding noong Saturday.
Hindi nga lang nakapunta mismo ang butihing alkalde sa civil wedding dahil may mga inaayos daw silang protocols tungkol sa community quarantine sa Metro Manila, pero nag-congratulate si Mayor Lino kina Richard at Sarah at sa kanilang pamilya.
“Si Mayor Lino ang tinawagan ko, ang laking tulong niya, kaya nagkaroon ng civil wedding!” pahayag ni Tita Annabelle.
Pinapunta na rin daw si Pastor John para ma-bless sina Richard at Sarah.
“Sabi naman ni Mayor Lino, puwedeng papuntahin ang pastor para ma-bless na rin sina Richard at Sarah,” sabi pa ni Tita Annabelle.
Nang ma-interview ko sa Tita Annabelle sa reception na ginanap sa Samba restaurant sa The Shangri-La The Fort sa BGC, ikinuwento kung paanong ginawan nila ng paraan na magkaroon ng civil wedding pa rin noong March 14 kasi nag-announce na sila ng postponement ng big wedding sana nang araw na ‘yon.
“Hindi man natuloy ‘yung big wedding, itinuloy namin itong civil wedding para maging happy na talaga si Sarah na Mrs. Gutierrez na siya ngayon. Kasi napansin ko si Sarah noong na-postpone namin, iyak siya nang iyak. Ang lungkot-lungkot ng mukha niya. Naawa naman ako dahil namamaga na ang mata niya.
“Ayaw talaga niyang ipo-postpone. Sabi ko, hindi puwede talaga, delikado.
“So ngayon nga, nakita ko si Sarah na super happy ang mukha nang sabi ko sa kanya, mag-civil wedding na kayo para masabing kasal na kayo. Na mag-asawa na kayo ni Richard.
“So kanina sa ceremony, happing-happy ang mukha ni Sarah. Parang tuwang-tuwa siya na natuloy na rin ang wedding,” pahayag ni Tita Annabelle.
Ang message naman sa kanila ni Tita Annabelle ay kabaligtaran sa mga message ng karamihan na nainterbyu ko na ang gusto ay magparami pa ng anak ang mag-asawa.
“Ang message ko kay Sarah, huwag ka nang magkaanak, pati si Richard, para tuloy-tuloy ‘yung kung saan kayo pupunta, para madali kayo makapunta. Kasi kung manganganak ka na naman, mahirap ‘yung may baby.
“Saka ang masasabi ko lang sa kanila, kailangang pasensyosa sa isa’t isa. Kung si Richard mainit ang ulo, dapat si Sarah malamig ang ulo niya. Huwag niyang salubungin. Sabi ko naman kay Richard, kapag mainit ang ulo ni Sarah, magpakumbaba ka rin para magtatagal kayong dalawa,” payo pa ni Tita Annabelle sa dalawa.
Chard-Sarah super happy sa soulful wedding
Sa wedding reception nila sa Samba ay nainterbyu ko ang newly weds.
Tinanong ko kung ano ang masasabi nila na karamihan ng mga bisita nila ang message sa kanila ay magparami pa sila ng mga anak?
“Grabe naman!” sabi ni Richard at “Nakaka-pressure naman!” ang reaction ni Sarah.
Pero sinabi ko sa kanila na tanging si Tita Annabelle lang ang nagsabing huwag na muna silang magdagdag ng anak.
“We’ll see. Kung anuman ang plano ni God for us, we will follow. But now we’re very happy with Zion and Kai. We’ll see what will happen in the future,” sabi ni Richard.
Kinongratulate ko rin ang mag-asawa at sinabing kitang-kita sa hitsura nila ang happiness na finally ay kasal na nga sila.
“Yes, siyempre nalulungkot kami na hindi kami nakapag-celebrate ng malaking celebration na kasama lahat ng mga kaibigan, pamilya at lahat, pero masaya kami dahil kahit paano ay natuloy ‘yung wedding namin and kahit intimate siya, very meaningful to us and very soulful, so we’re very happy,” sabi ni Richard.
Ano’ng plano nila ngayong kasal na sila lalo na at wala munang trabaho ngayon dahil sa COVID-19?
“I think we’ll just spend some quality time with the kids. Just be happy and healthy and spend time with the family,” sabi ni Sarah.
Ang message naman nila sa kanilang supporters?
“Yes, sa lahat ng supporters namin, maraming-maraming salamat sa inyo. Ah, heto, we’re finally married. Alam ko na marami sa inyo na naghihintay, and here it is, we’re happy to say that we’re happily married!” sabi ni Richard.
Sabi naman ni Sarah, “Thank you guys for all the love, for all the support, for everything you do for us, for all the prayers, we hope that everything will be better for the Philippines and the whole world. Let’s all pray and be thankful. Spend time with our family. And be grateful!”
Big wedding itutuloy pa rin: Gutierrez-Lahbati kasal eksklusibong mapapanood sa Abante News Online-‘Anything Goes’
Sa wedding reception naman, less than 30 kami.
Doon na dumating ang kuya ni Richard na si Elvis Gutierrez.
Ang balikbayan-friend at ninang nila na si Mary Ann Opeña kasama ang anak na si Jenney at son-in-law na si Cip, balikbayan-friend na si Ludivina Leelim-Nacionales, mga kamag-anak ni Tita Annabelle, ilang friends ni Sarah at ang kanyang pamilya.
May ilang mga kaibigan din sila doon, pero saka na raw sila magkakaroon ng malaking wedding reception kapag ok na ang lahat at kapag natuloy na ang kanilang big wedding.
Source From:https://www.abante.com.ph/di-natinag-ng-covid-19-richard-sarah-kinasal.htm
Comment