Dugang suweldo sa mga kawani sa kagamhanan, gimandu ni…

Taliwala sa paggamit sa reenacted budget karong tuiga, gimandu ni Presidente Rodrigo Duterte sa Department of Budget and Management (DBM) nga ihatag ang 4th tranche sa salary increase sa tanang mga kawani sa gobyerno.

Ang direktiba sa Presidente anaa sa Executive Order No. 76 nga gipirmahan niadtong Marso 15, 2019.

Subay sa gimbut-an sa Salary Standardization Law, kinahangkan nga ipatuman ang katapusang tranche sa salary increase niadtong Enero 1, 2019.

Subay sa EO, gimanduan sa Presidente ang DBM nga pangitaan og available nga pondo ang salary increase sa 2018 General Appropriations Act angtud nga dili pa maduso sa Malacañang ang enrolled bill alang sa 2019 budget.

Sa kinatibuk-an adunay 1.7 million nga kawani ang gobyerno sa tibuok nasud. (jess campos)

Source From:https://www.abante.com.ph/dugang-suweldo-sa-mga-kawani-sa-kagamhanan-gimandu-ni-duterte.htm