Joy Belmonte nilampaso ang kalaban

NILAMPASO ng koponan ni Quezon City Vice Mayor Joy Belmonte ang kanilang mga kalaban sa ginawang survey kamakailan.

Sa survey ng Media Trends, walang nakalapit kay Belmonte sa pagka-mayor matapos itong umani ng 64%, kahit pa ang kanyang pinakamahigpit na kalaban na si Bingbong Crisologo na kumuha lamang ng 28%.

Hindi na rin banta kay Belmonte si Chuck Mathay na nakatanggap lamang ng 5%
Para naman sa pagka-vice mayor, pinakain ng alikabok ni Gian Sotto ang kanyang mga kalaban matapos siya umiskor ng 54% kumpara kay Roderick Paulate (20%) at Jopet Sison (18%).

Nasa 8% lamang ang undecided.

Sa congressional race naman sa District 2, nanguna si Precious Hipolito Castelo nang makarekord ito ng 69%. Sumusunod kay Castelo sina Dante Liban, 14% at Annie Susano, 13%.

Source From:https://www.abante.com.ph/joy-belmonte-nilampaso-ang-kalaban.htm