Kalaban kasi ni Zamora! Konsehala hinuli sa pamimigay ng…

Kinondena ni dating Senador JV Ejercito ang ginawang paghuli ng mga pulis sa incumbent councilor ng San Juan na namimigay ng bangus sa mga residente ng lungsod.

Ayon kay Ejercito, sumunod naman sa social distancing ang kanyang pinsan na si Councilor Jana Ejercito pero hinuli pa rin ito ng mga pulis.

“My cousin, Councilor Jana Ejercito was brought to the police station for distributing bangus. They were giving the milkfish house to house, so there was no crowd.” tweet ng dating senador.

Sabi ni Ejercito, hindi dapat pinagbabawalan ni San Juan Mayor Francis Zamora ang pamamahagi ng tulong sa mga nangangailangan, kahit na galing ito sa kabilang partido.

“Dito sa San Juan ang utos pag galing sa kalaban bawal. This is a Pandemic, every help should be welcome” himutok ng dating senador.

Nauna rito ay hinuli rin ng mga pulis si dating Senador Jinggoy Estrada habang namimigay ng bangus sa mga residente ng San Juan.

Source From:https://www.abante.com.ph/kalaban-kasi-ni-zamora-konsehala-hinuli-sa-pamimigay-ng-bangus.htm