Kongresista sa Samar gipakawalay sala sa kasong Graft

Giabswelto sa Sandiganbayan First Division si Samar Representative Milagrosa Tan sa kasong graft ug fund misuse sa giingong overprice sa pagpalit niini sa medical ug dental supplies nga nagkantidad og P69 milyon niadtong 2007.

Matud sa antigraft court division, nga napakyas ang prosecution sa pagmatoud ni Tan nga guilty beyond reasonable doubt.

Giabswelto usab ang kaubang akusado ni Tan nga silang Roselyn Larce, Bienvenido Sabenecio Jr., Francasio Detosil, Ariel Yboa, Rolando Montejo ug George Abrina.

Kahinumduman nga gipasanginlan si Tan ug ang mga kaubanan tungod sa graft tungod sa pagpalit niini ug tambal ug dental supplies nga nagkantidad og P69 milyon sa Zybermed Medi Pharma, usa ka kompanya nga walay license to operate sa Catbalogan City, Samar.

Gisang-at sa korte ang report sa Commission on Audit (COA) diin nakatala nga “unnecessary and nonresponsive to the exigencies of the service” ang maong deal sa Zybermed.

Sa 48 ka pahina nha desisyon nga gihimo ni Associate Justice Geraldine Faith Econg, matud sa dibisyon nga ang kapakyas sa prosecution nga napamatud-an nga dili dili maayo sa kagamhanan sa Samar ang maong deal.

Matud sa korte, nga walay laing ebidensiya nga overvalued ang mga medisina gawas lang sa COA report. (Jessilito Campos)

Source From:https://www.abante.com.ph/kongresista-sa-samar-gipakawalay-sala-sa-kasong-graft.htm