Kontrata sa Kaliwa Dam project, andam ibutyag sa publiko sa…

Andam ang Malacañang nga ibutyag sa publiko ang mga dokumento sa Kaliwa Dam project kung nahasubay kini sa Freedom of Information o FOI.

Kini ang gibutyag ni Executive Secretary Salvador Medialdea subay sa panawagan sa pipila ka grupo nga ibutyag sa publiko sa gobyerno ang kasabutang nga gisudlan sa China kabahin sa maong proyekto.

Matud ni Medialdea, adunay palisiya ang Duterte administration nga transparent sa tanang mga transaksiyon sa gobyerno ug mosunod sila sa regulasyon sa FOI.

Daghan ang nagduda sa Kaliwa Dam project nga ang China ang mohimo busa gusto sa pipila ka grupo nga makita ang kontrata o kasabutan aron masiguro nga fili alkansi ang nasud ug mahimong pabor ang proyekto alang sa mga Pilipino.

Nabanhaw ang isyu sa Kaliwa Dam project dihang nakasinati sa kakulangan sa supply sa tubig ang daghang dapit sa Metro Manila nga giserbisyuhan sa water concessionaire nga Manila Water. (jess campos)

Source From:https://www.abante.com.ph/kontrata-sa-kaliwa-dam-project-andam-ibutyag-sa-publiko-sa-malacanang.htm