Manyakis gikulata ug gigapos sa poste sa mga estambay

Napuno sa samad ug mga bun–og ang kalawasan sa 30-anyos nga lalaki human misinggit ug nangayog pakitabang abg usa ka babaye nga tinun-an nga gihikap sa usa ka bus terminal sa Mapagmahal St., kanto ng Barangay Kamias, EDSA sa Quezon City.

Matud sa Kamuning Police Station (PS 10) commander P/Supt. Louise Benjie Tremor, ang suspek giila lang sa pangalan nga Mark Anthony Casigal, 30-anyos.

Subay sa inisyal nga report mga ala-1:00 sa udto (Abril 1), giingong nagsiyagit ang wala hinganli nga 20-anyos nga estudyanteng babaye tungod kay gibinastusan ug gihikap siya suspek sapribadong bahin sa iyang lawas.

Daling mitabang ang mga bystander sa bus terminal ug gitabangan pagkulata ang manyakis nga suspek ug sa dihang misuway kini pag-eskapo gigapos na lang kini.

Matud sa mga vendor sa maong dapit nga dugay na nga gihimo sa susoek ang pagpanghikap sa mga babaye nga naglakaw o nagsakay sa bus terminal apan wala lang mohimog aksyon ang iyang mga biktima.

“Para kasing may diperensiya sa pag-iisip…o laging bangag sa droga kaya sa halip na magsumbong ang mga hinihipuang babae, hindi na lamang nila pinapansin,” matud sa vendor nga nagdumiki pagpa-ila.

Ang suspek kasamtangang gitanggong sa Kamuning Police Station 10 samtang giandam ang kasong isang-at batok kaniya.

Nasayran nga sukad pa niadtong 2016, adunay gipatuman nga ordinansa sa lungsod batok sa “catcalling” ug uban pang porma sa sexual harassment sa mga publikong dapit. (jess campos)

Source From:https://www.abante.com.ph/manyakis-gikulata-ug-gigapos-sa-poste-sa-mga-estambay.htm