PH 
MAYNILA — Isang daang empleyado ng Pasig City na higit 20 taon nang nagseserbisyo sa lungsod ang ginawang regular ni Mayor Vico Sotto nitong Martes.
Ayos sa Facebook post ng alkalde, pinirmahan niya ang appointment papers ng 100 empleyado, mula sa streetsweeper, engineering aide, at iba pang trabaho.
Ang lahat ng ito, aniya, ay naglilingkod na sa Pasig City nang hindi bababa sa 20 taon.
"Just signed the appointment papers of 100 newly-regularized employees… May streetsweeper, may engineering aide… lahat sila, mahigit 20 taon nanatiling kontraktwal sa lokal na pamahalaan ng Pasig," ayon sa batang alkalde.
Rebelasyon ni Sotto, wala nang kontraktuwal na empleyado na 20 taon mahigit na ang serbisyo.
"I am happy to announce: WALA NANG NAIWAN NA KONTRAKTWAL SA MGA EMPLEYADO NATING MAHIGIT 20 YRS NANG NASA SERBISYO."
Ikinatuwa naman ng netizens ang desisyon ni Sotto.
Pumalo na sa higit 126,000 reactions ang nakalap na reactions ng naturang Facebook post ni Sotto.
Comment