Mga fan naloka sa ‘tattoo’ ni Andrea

Sa recent Instagram post ng batang aktres na si Andrea Brillantes, bukod sa obvious na kagandahan niya, hindi nakalagpas sa matatalas na mata ng mga fan ang tatlong dot sa kamay niya.

Maraming mga fan ang nagtatanong kung totoong tattoo ba ‘yon at permanent ba ‘yon, pero wala pa ring sagot ang batang aktres.

First time makita ng mga fan ang naturang tattoo kay ­Andrea kaya super intriga sila kung ano ang ibig sabihin ng tatlong dot na tattoo.

Hinala naman ng iba na baka raw sa National Artist na si Apo Whang-Od nagpa-tattoo si Andrea dahil sa pagkakaalam daw ng karamihan sa mga fan, ganoon ang signature tattoo ni Apo Whang-Od.

At kung sakali o posible nga na si Whang-Od ang may gawa ng tattoo kay Andrea, labis daw talaga silang napabilib sa batang aktres dahil kinaya ang ganoong klase ng pagpapa-tattoo.

Hindi kasi biro ang proseso ng pagpapa-tattoo kung kay Whang-Od dahil pinupukpok ­lamang daw ito nang walang anestisya.

Pero marami rin ang hindi natuwa dahil ­masyado pa nga raw bata si Andrea para magpa-tattoo, ha!

Source From:https://www.abante.com.ph/mga-fan-naloka-sa-tattoo-ni-andrea.htm