P136M nga kantidad sa shabu nasakmit sa pantalan sa Sorsogon

3 years ago 0 Comments

Moabot sa P136 milyon ang kantidad sa shabu ang nadakmit sa mga operatiba sa Philippine Drug Enforcement Agency (PDEA) sa duha ka gituhoang bigtime drug courier sa pantalan sa Matnog, Sorsogon, Huwebes sa buntag.

Matud ni PDEA Director General Aaron Aquino, ang mga suspek nga silang Irish Yap Dela Peña ug Jose Lani Abarido, nasikop pinaagi sa hiniusang puwersa sa PDEA-Regional Special Enforcement Team (RSET), PDEA-V Seaport Interdiction Unit (SIU), PDEA K-9, PDEA Sorsogon Provincial Office ug Matnog Seaport Interdiction Task Force.

Sa report ni PDEA Acting Regional Director Christian O. Frivaldo, mipahigayun ang ilang mga ahente og seaport interdiction sa Matnog Port Area, Sorsogon , ug adunay mipahibalo nga adunay dalang kinilong shabu ang mga suspek.

Mga alas-10:30 sa buntag (January 16) dihang ilang nakit-an nga paingon na ang mga suspek busa dali silang gibabaganug nasakmit ang dul-an sa 20 ka kilong shabu nga nagkantidad og P136 milyon.

Wala mohatag og pamahayag ang mga suspek kung diin gikan ang iligal nga drogas ug asa nila kini ideliver. Gisusi pa sa mga otoridad kung unsa o asa nga sindikato konektafo ang duha.

Ang mga suspek kasamtangang gitanggong sa PDEA Regional Office V-Matnog SIU Office samtang giandam na ang kasong kalapasan sa Section 5, at 11, Article 11 sa RA 9165 batok kanila.

Source From:https://www.abante.com.ph/p136m-nga-kantidad-sa-shabu-nasakmit-sa-pantalan-sa-sorsogon.htm

Comment

Leave a Reply

Your email address will not be published.


Aplikasi UP Station
telah tersedia sekarang
Buka Artikel
Download Aplikasi