Pag-atake sa NPA, konektado sa ilang ika 50 nga anibersaryo…

Giingong kabahin sa ilang kalihukan sa ilang nagsingabot nga anibersaryo ang pagpangatake sa mga sakop sa New People’s Army (NPA) sa usa ka istasyon sa kapolisan sa Northern Samar.

Matud ni Philippine National Police (PNP) Spokesperson Col. Bernard Banac sa interview sa Radyo Inquirer, karong adkawa Marso 29 ang 50th anniversary sa NPA busa nagmonitor sila sa himoung kasamok sa mga rebelde.

Dugang pa sa tigpamaba sa PNP, moabot sa 50 ka NPA ang giingong moatake sa Northern Samar Police Station, nga adunay 15 ka polis kauban ang ilang hepe.

Kaganiha gikataho nga tulo ka NPA ang namatay nga nagsul-ob sa uniporme sa sundalo nga miatake sa Victoria Municipal Police Station mga alas-3:44 sa kadlawon.

Giingong nabantayan ni Victoria Police Chief, Police Lieutenant Eladio Alo ang pag-atake busa gimanduan ang iyang mga tawo nga magbantay sa pagpakiggubat.

Miposisyon ang kapolisan sa atop sa ilang police station ug gipamusil ang mga rebelde nga maoy hinungdan sa kamatayon sa tulo NPA samtang naangol silang Police Senior Master Sergeant Arturo Gordo Jr., ug Police Master Sergeant Arnold Cabacang.

Milanat ang pagboto boto ug tulo ka oras dayun miatras ang mga rebelde, matud sa update ni Banac. (jess campos)

Source From:https://www.abante.com.ph/pag-atake-sa-npa-konektado-sa-ilang-ika-50-nga-anibersaryo-pnp.htm