Palasyo dili mobabag sa pagdangop sa motorcycle rider sa…

By Jessilito Campos

Walay plano ang Malacañang nga babagan o supakon ang plano sa motocycle riders nga ilang dad-on sa sa Korte Suprema ang pagsupak sa bag-ong balaod nga nag-obligar kanila nga magbutang ug mas daku nga plaka sa ilang mga motorsiklo.

Matud ni Presidential Spokesman Salvador Panelo nga katungod sa bisan unsang grupo nga modangop sa Labaw nga Hukuman sa pagsupak sa usa ka isyu.

Matud ni Panelo nga kung nagtuo ang motorcycle riders nga nakalapas sa Konstitusyon ang bag-ong balaod, gawasnon sila nga idangop sa Korte Suprema ang ilang pagsupak ug pagkuwestiyon sa maong balaod.

“If they feel that it’s so unconstitutional they can always raise that before the courts,” matud ni Panelo.

Gipaniguro sa kalihim nga walay dapigan ang maong balaod bisan pa ang mga anak ni Presidente Duterte.

Matud niya nga kinahanglan nga sumunod sa bag-ong balaod, bisan pa ang mga anak sa Presidente.

“Everyone should comply. No exception,” dugang pa ni Panelo.

Ang Presidente hilig usab sa pag motor hinoun panagsa nalang niya hikoun human kini naaksidente busa ang iyang anak nga si Davao City Mayor Sara Duterte-Carpio na ang mogamit sa mga motorsiko niini.

Ubos sa Motorcycle Crime Prevention Act, kinahanglan nga butangan ug dagku color-coded nga plaka ang luyo ug atubangang bahin sa motorsiklo.

Usa kini ka pamaagi sa kagamhanan aron mamintenar ang kahapsay ug kalinaw sa mga nagmotorsiklo ug aron daling masikop ang mga suspek nga riding in tandem.

Source From:https://www.abante.com.ph/palasyo-dili-mobabag-sa-pagdangop-sa-motorcycle-rider-sa-korte-suprema.htm