Pamilya sa mga mag-uuma nga gipatay sa Negros: Gikawatan…

Jessilito Campos

Giingong gikawatan ug cash ug valuables ang 14 nga mag-uuma nga napatay sa hiniusang operasyon sa kapolisan ug militar sa duha ka lungsud ug usa ka siyudad sa Negros Oriental, matud sa mga pamilya sa mga biktima.

Ang alegasyon gikan sa mga pamilya sa duha sa mga napatay nga mag-uuma nahitabo human mibarog ang palasyo sa likod ni General Oscar Albayalde, Philippine National Police chief, ug miingon sa mga taeo nga dili magpadala sa mga propaganda sa mga komunista.

Matud ni Argie Acabal, anak ni Valentin Acabal, barangay kapitan sa Candabong sa lungsud sa Manjuyod, nga giingong gikawan sila sa mga pulis sa kantidad nga P37,000 dihang misulod kini sa ilang panimalay ug gipatay ang ilang amahan.

“They took the P30,000 I sent to my family. They also took the P7,000 that was kept in a locked box. The P7,000 is from the church where my mother is a treasurer,” matud ni Argie, overseas Filipino worker sa Qatar nga mipauli sa ‘Pinas human masayri ang nahitabo sa iyang amahan.

Matud ni Angenate, asawa ni Valentin, nga gipukaw sila sa mga pulis sa ilang paghikatulog ug gipusil ang iyang bana samtang nagoakilouy kini.

Matud niya nga 7 ang igo sa bala sa armas ang naangkon sa iyang bana lakip sa naigo ang kinatawo niini.

Usa si Acabal sa 14 ka mga mag-uuma nga naoatay sa giingong shootout sa mga kapokisan ug sundalo sa managlahing pagpatuman sa search warrants sa mga biktima mga ala-1 sa kadlawon niadtong Marso 30.

Source From:https://www.abante.com.ph/pamilya-sa-mga-mag-uuma-nga-gipatay-sa-negros-gikawatan-kami-sa-kapolisan.htm