Polis patay sa engkuwentro sa NPA

Naengkuwentro sa mga polis ang moabot sa 20 ka gituhuang sakop sa New People’s Army (NPA) sa Bauko, Mountain Province niadtong Biyernes.

Sa report sa Cordillera Police Regional Office, giila ang namatay nga polis nga si Pat. Wilfredo Padawil, sakop sa 1502nd Mobile Company, Regional Mobile Force-15 sa Cordillera Region samtang samdan si P/Cpl. Eirphil Lapniten, nga gibisita ni PNP Chief Police General Oscar Albayalde sa Benguet General Hospital.

Gikatakda usab nga bisitahon ni Albayalde ang haya ni Padawil sa Sagada, Mt. Province.

Subay sa inisyal nga imbestigasyon, mipahigayon ang mga sakop sa 1502nd Mobile Company, Regional Mobile Force-15 ug P/Capt Graeme Boy Javier sa pagpatrolya sa Sitio Malabagan, Barangay Bangnen, Bauko mga alas-9:30 sa buntag dihang ilang gikatagbo ang mga rebelde.

Samtang dili pa usab klaro kun pila abg namatay sa habig sa mga rebelde. (jess campos)

Source From:https://www.abante.com.ph/polis-patay-sa-engkuwentro-sa-npa.htm