Sana ‘di na ako magising – Bea

“DEAR God, sana po hindi na ako magising. And please remind all people na pupunta sa burol ko na HUwag na umiyak. Ayaw ko po silang makitang sad dahil sakin po. Love na love ko silang lahat Papa God. Ingatan mo po sila. Amen!”

Ito ang social media post ni Celestina Beatrice Luna noong Abril 16, ito na rin pala ang kanyang huling post.

Nitong Martes, binawian na ng buhay ang 16-anyos na football player matapos ma-comatose noong Lunes.

Isang hindi pangkaraniwang karamdaman na Arteriovenous Malformation (AVM), na kung saan nagbuhol-buhol ang mga ugat kaya hindi makadaloy nang maayos ang dugo at hangin ang sanhi ng pagkasawi ni Luna.

“It is with great sadness and regret that we inform everyone of Beatrice Luna’s passing,” pahayag ng Pinay Futbol.

“The #PilipinasU15 defender from Baguio was only 16. We humbly ask all our prayer warriors to continue praying for her soul and to give strength to the family that she has left behind.” (Lito Oredo)

Source From:https://www.abante.com.ph/sana-di-na-ako-magising-bea.htm