Stuffed toy nga adunay shabu gi-surrender sa online seller

Gi-turnover sa Quezon City Police District (QCPD) sa usa ka online seller ang napalit niyang stuffed toy human madiskubre nga adunay sulod nga gituhuang shabu, Pebrero 2 sa hapon.

Matud ni QCPD Director P/BGen. Ronnie Montejo, alas-4:30 sa hapon dihang miadto sa buhatan sa Police Community Precinct 5 sa Kamuning Police Station 10 ang online seller nga si Anna Lissa Bumanglag, 49, ug giturn-over ang usa ka Minnie Mouse stuffed toy.

Giingong giorder ni Bumanglag ang stuffed toy gikan sa Baguio City apan nakahukom nga dad-on sa presinto dihang nadiskubreng adunay sulod nga 13 ka plastic sachets nga adunay puting pulbos, nga gituhuan niyang shabu.

Giingong nahug-atan ang online seller sa stuffed toy busa nahukman niyang susihun ang sulod niini ug iyang nadiskobre ang mga shabu.

Gidayeg ni Montejo ang online seller tungod sa daling pagsumbong sa kapolisan nahitabo aron usab masayran sa publiko ang maong modus.

Giawhag usab niya ang publiko nga isumbong ang bisan unsang iligal nga kalihukan pinaagi sa PNP hotlines na i-send mo sa Team NCRPO: Globe 0915-8888181, Smart 0999-9018181 at QCPD DDS TIPLINE: 0917-5410621.

Source From:https://www.abante.com.ph/stuffed-toy-nga-adunay-shabu-gi-surrender-sa-online-seller.htm