Nakuha sa isang bahagi ng Ninoy Aquino International Airport (NAIA) runway ang isang bomba na ginamit noon pang World War 2.
Nagsasagawa umano ng maintenance ang backhoe operator sa bahagi ng runway 13-31 noong Miyerkoles nang matamaan ang isang matigas na bagay dakong alas-tres ng hapon.
Dito nakita ang bomba kaya humingi ang operator ng tulong sa mga awtoridad.
Rumesponde naman agad ang bomb disposal personnel ng NAIA para siyasatin ang bomba at nilipat na sa pangangalaga ng Philippine National Police.
Walang nagawang pagkaantala ang insidente dahil sa suspensyon ng biyahe sa paliparan dulot ng coronavirus pandemic.
Source From:https://www.abante.com.ph/vintage-bomb-nahukay-sa-naia-runway.htm