West Philippine Sea kontrolado sa China-Panelo

By Jessilito Campos

Susama sa ubang mga nasud nga adunay claim sa West Philippine Sea, pagpoprotesta lang ang kayang himoun sa Pilipinas batok sa China.

Giangkon ni Presidential Spokesperson Salvador Panelo nga ang China karon ang adunay kontrol sa giilogang isla.

“Sila ang may kontrol, as of now. Meron silang pwersa doon. We can only protest like any other country na may claim like Vietnam. Saka ‘yun lang ang magagawa natin. You want us to declare war against them?” pagoasabot ni Presidential Spokesperson Salvador Panelo.

Kini ang gibutyag ni Panelo sa video nga gipagawas ni opposition senatorial candidate Neri Colmenares diin pioila ka mangingisdang Filipino ang gipapahawa sa Scarborough Shoal sa Chinese Coast Guard.

Sa Facebook video gibutyag sa duha ka mananagat kunh giunsa sila pagpapahawa sa Chinese Coast Guard sa lugar.

Kahinumduman duha ka kanhi opisyal sa kagamhanan ang misang-at ug kaso batok ni Chinese President Xi Jinping sa International Criminal Court tungod sa crimes against humanity.

Gipasanginlan nilang kanhi Ombudsman Conchita Carpio-Morales ug kanhi Foreign Affairs Secretary Albert del Rosario si Xi nga mihimog krimen sa Pilipinas ug sa mga mangingisda nga Pilipino kabahin sa kadaut nga nahimo sa pagtukod sa mga isla sa China sa South China Sea.

Source From:https://www.abante.com.ph/west-philippine-sea-kontrolado-sa-china-panelo.htm